Sóley Kristjáns

Sóley Kristjánsdóttir er uppistandari í Reykjavík og sækir efnið mikið í breytingaskeiðið og það að vera miðaldra. Fyrsta sýningin hennar, Miðaldra uppistand: Að finna taktinn, var frumsýnd í Tjarnarbíói í ágúst 2024. Síðan hefur hún sýnt Af hverju fórum við ekki bara á gönguskíði? og Konur þurfa bara... með Auðbjörgu Ólafsdóttur, í Tjarnarbíói og víða um land, og hitað upp fyrir Fortune Feimster á Hinsegin dögum 2025. Hún er með bakgrunn í sálfræði og mannauðsstjórnun, tekur styttri gigg fyrir vinnustaði og hópa og heldur fræðslu og vinnustofur um samskipti á vinnustöðum.