Pilkington Props

Pilkington Props er trölla- og kynjaverusmiðja í Reykjavík sem hannar og smíðar risabrúður og búninga og mætir með persónurnar á viðburði. Þar á meðal eru tröllið Tufti Túnfótur, rúmlega þrír metrar á hæð, flamingóknapar á stultum, blómálfar og ruslaskrímsli. Daniel Adam Pilkington, Björg Einarsdóttir og Thomas Burke standa að baki smiðjunni og eru öll með bakgrunn úr sirkus. Daniel hefur smíðað nokkur tröll upp úr bókum föður síns, Brians Pilkington. Persónurnar hafa komið fram á 17. júní, Menningarnótt, Fiskideginum mikla, opnun Listahátíðar í Reykjavík og í Reykjavíkurmaraþoninu, og líka á árshátíðum og í afmælum. Pilkington Props heldur líka listræn námskeið, til dæmis í glansfilmu og leirmódelgerð, fyrir vinnustaði og vinahópa.