Óli Trausta

Hef komið fram með gítarinn síðan 1996 og því með áralanga reynslu af því að koma fram. Gaf út plötu árið 2007 með 12 lögum eftir mig þar sem margir af bestu söngvurum landsins sungu ásamt mér. Hef lagt mikla áherslu á að semja sjálfur og á þess vegna þó nokkuð magn útgefinna laga og texta en hef einnig samið bæði lög og texta fyrir aðra. Ásamt því að spila á gítar hef ég líka verið að gera mig hæfan á munnhörpu auk þess að syngja bæði mín lög sem og annarra. Þar að auki var ég tónlistarstjóri í leiksýningu hjá Gaflaraleikhúsinu í Hafnarfirði. Auk þess að koma fram sem gítarleikari, söngvari og munnhörpuleikari kenni ég tónlist hjá Tónræktinni á Akureyri.