Ólafía Hrönn

Ólafía Hrönn Jónsdóttir er leikkona, söngkona og lagahöfundur. Hún útskrifaðist úr Leiklistarskóla Íslands árið 1987 og hefur leikið fjölda hlutverka í Þjóðleikhúsinu, meðal annars í Taktu lagið, Lóa!, Túskildingsóperunni og Fiðlaranum á þakinu. Hún hlaut Grímuverðlaunin fyrir Heimsljós og Pétur Gaut og Edduna fyrir Brúðgumann, og hefur leikið í Mýrinni, Ófærð, Svörtu söndum, True Detective og Black Mirror. Hún hefur sungið með Tríói Tómasar R. Einarssonar og stýrt þorrablótum og styrktartónleikum sem veislustjóri og kynnir.